ඔය ශ්‍රී නෙත් සඟල මා රිදෙව්වා හැඬෙව්වා
අචල මනු හද මගෙ කිතිකසසලවා
ගුණැති ගම්භාර දෙවියනි මට සිරිසෙත ලැබදේවා
හිස හැඩපලු දහතුනෙකි ඒ හන්දා බදන්න බැරි
ශ්‍රී මුඛ වට සර්පයෙකි ඒ හෙයින් විස වදන් ඇති
ධවල තුරඟ යාත්‍රා මට ඔරොත්තු දෙන්නැති
සුරත දරන වඩිග කඩුව මට හිමි නොවෙන්න ඇති
කවුලු දොරක් ඇරලා හනිකට අඩමානෙට
පහනක් දල්වා ස්තෝත්‍ර කියනා හැටියට
වඩින්න සුරිඳුනි ගම්භාර
ආරාධනා මෙසේය රැය පහන් වන තුරාවට
දිවසලු නීල ඇඟ වට දවටා
ගෙල බැදි නාග මාලයෙ කිංකිනි හඬ නංවා
බුරැ බුරැ තාලෙට හුස්ම හඬවා
වඩින්න යහපති මංගල නමෝ නමා
ඇස්වහ කටවහ හදි හූනියම් බල දුරැ වෙන්නයි
ආත්මාර්ථ ප්‍රේත දෝස කුඩු වෙන්නයි
මෙලොව නැති සැප ඔබෙ ලෝකයේ ලැබගන්නයි
ශ්‍රී සිද්ධ සූනියම් ගම්භාර මුත්තේ මා ඔබෙ වෙන්නයි..
No comments:
Post a Comment
Note: Only a member of this blog may post a comment.